August 2010
5.-8.08.: Fjordsteam - veteranbåtfestival i Florø.
17.-20.08.: Nor-Fishing - fiskerimesse i Trondheim.
24.-27.08: ONS 2010 - oljemesse i Stavanger.
I sommar er det på ny oljemesse i Stavanger. ONS 2010 blir arrangert i dagane 24. til 27. august. Flora kommune, Sunnfjord 2020 og næringslivet i Flora vil profilere seg sterkt under årets oljemesse og oljefestival. 150-årsjubileet til Florø blir ein del av profileringa. Sunnfjord 2020 vil også vere med på fiskerimessa i Trondheim, som er veka før.
I tidsrommet 14. juni til 13. august vil eit designkontor vere i arbeid i Florø. Fem studentar frå Trondheim og Oslo driftar kontoret, som held til hos STX Norway Design Florø AS. Dei skal utføre oppgåver for åtte selskap i ulike bransjar frå Florø, Førde og Hyen.
Formelle kommunegrenser er for lengst eit tilbakelagt hinder når det gjeld å samarbeide og skape møteplassar for industrien i fylket. - Særleg i samferdslesakene ser vi dette, seier leiar i Flora Industri- og Næringsforening, Bjørn Hollevik.
Rundt 120 selskap og organisasjonar frå heile Sogn og Fjordane var representerte på den store Fylkesmessa i Florø i helga 28. til 30. mai. Messa vart arrangert same månad som byen har 150-årsjubileum. Til saman besøkte ca. 4.200 personar messa.
GFD SUEZ E&P Norge hadde 18. mars offisiell opning av nytt kontor- og lagerbygg på Fjord Base i Florø. Selskapet skal overta som operatør for Gjøa-feltet i oktober, då Gjøa-plattforma startar produksjonen. Base- og logistikktenestene til Gjøa skal leverast frå Florø.