Rundt 60 personar deltok på ei fagleg og sosial samling som næringsorganisasjonane i Sunnfjord arrangerte i Førde i haust. 9. mars blir det ei ny samling - denne gangen i maritimt miljø i den jubilerande kystbyen Florø.
Samlinga i Florø blir på Haavebua, Quality Hotel Florø. Som sist startar samlinga med ein fagleg del. Her vil rådmennene Ole Johan Østenstad (Førde), Terje Heggheim (Flora) og Tom Joensen (Bremanger) ta for seg regionale utfordringar i Sunnfjord. Elles blir hovudvekta lagt på den sosiale delen, som også inkluderer middag. På menyen står torsk med tilbehør. Siktemålet med samlinga er at bedriftene i Sunnfjord skal bli betre kjende og å legge grunnlag for gode nettverk.
Det vil gå eigen buss frå Førde til samlinga i Florø, og buss tilbake til Førde etterpå.
Arrangørar av samlinga er Sunnfjord Næringsråd, Flora Industri- og Næringsforening, Florø Sentrum AS, Svelgen Næringsråd, Førde Industri- og Næringssamskipnad og Reisemål Sunnfjord.
Invitasjon med informasjon om påmelding m.v. finn du her: